أفضل طريقة لتعليم الطفل خلع الحفاض و دخول الحمام

سؤالنا النهاردة كان :

 ايه هي احسن طريقة نتبعها عشان نبطل الاطفال يلبسو بامبرز ويعتمدوا على نفسهم  ؟؟

    .                                       

الاجابة الي خدت المركز الاول للعضوة Asma Farouk :

اول حاجة نقولهم انهم كبروا خلاص والمفروض البامبرز للصغيرين ....بعدين نشترى حلويات ونعلقها على باب التواليت وكل مرة يدخلو ويعملوا فى الحمام نشجعهم ونديهم واحده.....لحد ما يحبوا انهم يعملوا لوحدهم .....ممكن اى حاجة تانيه غير الحلويات المهم انهم يكونوا بيحبوها

اما الاجابة الي خدت المركز التاني للعضوة المتميزة Rowida Sayed :

عجبني اوي كلام الدكتور / محمد رفعت في الموضوع ده
وكان كالأتي: لازم يمر الطفل ب6 مراحل عشان يتعلم البوتى ولو مش مر بمرحله من دول او عداها بيكون فى غلط ومش هيستجيب انه يعمل لوحده لازم نلاحظ مروره بكل المراحال دى ضرورى جداااااااااا:

1-لازم نقول للطفل احنا عوزين منه ايه يعنى لازم نقوله بكل وضوح مثلا انت كبير ولازم تعمل فى البوتى زينا وان ماما وبابا او اقرب حد ليه يكون يحبه اوى هيكون مبسوط اوى او لازم تعمل هنا عشان نجبلك حاجه حلوه اقصد لازم نحفزه بالكلام لازم كل مره تحفيز مختلف عن اللى قبله يعنى تحفيزات كتيره وجامده يعنى ارض جو عشان الطفل يتحمس للموضوع ودا هيكون عن طريق الكلام وانك تقعديه كل يوم شويه فى اوقات محدده سواء عمل او معملش يعنى لو مش عمل واول ما قام ام عامل على نفسه مش تتخانقى عادى خالص قوليله كان نفسى تعمل هنا عشان تاخد شيكولاته مثلا فهمتوا مجرد توجيه وكلام بس

2-تانى حاجه ان الطفل يفهم انتى عيزه ايه منه مثلا انه بيتدى يكلمنا فى الموضوع مثلا كنتم عند ضيوف ودخلته تغسلو اديكوا تلاقيه بيشاور على التواليت او بيخلى اللعبه بتاعته تمثل انها بتعمل تواليت كده يبقى انتى ماشيه صح والولد بدا يفهم يعنى ايه تواليت ولو دا مش حصل يبقى لسه مش فهم ومينفعش نعدى المرحله دى للمرحله التالته غير لما يكون فهم

3-ان الطفل يعمل على نفسه ويجى يقولك دا معناه انه عدا اول مرحلتين مزبوط وانه فهم ان دا غلط كتير من الامهات يفتكروا انه بيعاندهم يقولوا ولما انت عارف انه غلط بتعمله ليه مش ينفع كده اه هو عارف بس ممكن يكون كان ناسى او اتشغل بالعب او مش افتكر الا اما عمل الموضوع مش بيكون لسه كامل ميه فى الميه فلما يقول انه عمل دا كويس لانه الاول مش كان بيقول فلازم الام مش تتعصب ولاتكشر ولا اى حاجه تقول بس المره الجايه ياريت تعمل فى التواليت وبرضه مش ننسه التحفيز

4-الطفل بيعمل مره ومره لا المرات اللى نجح فيها نعمله حفله وهيسه ونقول للرايح والجاى وهدايا هههههههههههههه ما تقوليش باض بيضه دهب هههه ونحسسه انه عمل انجاز زى بناء السد العالى كده  واgمره اللى يعمل على نفسه مش نتخانق خالص وندارى عليه ونقوله ينهار طب تعالى نغير بسرعه قبل ما حد يشوفنا اوعى تقول لحد يارب ما حد يشوفنا ومنقولش لحد قدامه خالص بالعكس نقول انه كان شاطر النهارده وبيعمل فا البوتى مش هتتخيلىى الدكتور محمد رفعت قال ايه على النقطه دى قال ان الطفل بيشيلك الجميل دا وبيقى عايز يعمل فى البوتى عشان يردلك اللى انتى خبيتى الموضوع مش فضحتيه اما عيال ههههههههههه

5- الطفل بيتحكم ف نفسه بالنهار ويفشل بالليل فلازم فى المرحله دى نصحى الطفل بالليل مش كتير طبعا مره او 2 وندخله الحمام حتى ولو هو نايم على نفسه عادى قعديه كده زى ما هو مش لازم يصحى اوى ودا طبعا غلط بتقع فيه معظم الامهات انه يصعب عليهم انه يصحوا الطفل دا غلط لان دا جزء من المرحله مش لازم يعديه اه والصحيان يكون فى نفس المواعيد كل يوم بعد كده هو هيتعود وتلاقيه صحى من نفسه وجاى يقولك عايز اعمل لكن لو مش عملتى كده لا هيتعود ولا حاجه ومش هيعدى للمرحله اللى بعدها

6- التحكم باليل والصبح وفى المرحله دى واللى قبلها لازم الطفل مش ياكل ولا يشرب قبل النوم ب 1 ونص او 2 ساعه عشان نساعده

لمعلومة كاملة ننصحك أيضا بقراءة :
الأخطاء الشائعة في تعليم الطفل خلع الحفاض و السن المناسب

للمزيد تابعونا على الفيسبوك: